---
title: "تطوير تطبيقات التوصيل والنقل في السعودية: تطبيق عميل وسائق ولوحة تشغيل | كيرنلتكس"
description: "تطوير تطبيق توصيل أو نقل في السعودية: تطبيق للعميل، تطبيق للسائق، ولوحة تشغيل للطلبات والتتبع والتحصيل. iOS وأندرويد من كود واحد، مع الدفع الإلكتروني والخرائط والإشعارات. الكود باسمك."
lang: ar-SA
canonical: https://www.kerneltics.com/solutions/delivery-apps
source: https://www.kerneltics.com/solutions/delivery-apps
alternate_en: https://www.kerneltics.com/en/solutions/delivery-apps
---

# تطوير تطبيقات التوصيل والنقل في السعودية: تطبيق عميل وسائق ولوحة تشغيل | كيرنلتكس

> تطوير تطبيق توصيل أو نقل في السعودية: تطبيق للعميل، تطبيق للسائق، ولوحة تشغيل للطلبات والتتبع والتحصيل. iOS وأندرويد من كود واحد، مع الدفع الإلكتروني والخرائط والإشعارات. الكود باسمك.

العميل يطلب ويتابع الطلب على الخريطة، السائق يستلم ويوصل ويثبت التسليم، والتشغيل يشوف كل شي لحظياً. ثلاث واجهات على نظام واحد.

## المشكلة الي نحلها
- الطلبات تجي على الواتساب والمكالمات وتضيع بين السائقين.
- ما تعرف وين السائق ولا متى يوصل، والعميل يتصل يسأل.
- التحصيل النقدي ما يتطابق مع الطلبات آخر اليوم.
- تطبيق جاهز من منصة عالمية يعني عمولة على كل طلب وبياناتك عندهم.

## وش نبني لك
- **تطبيق العميل:** تسجيل بالجوال، اختيار الخدمة أو المنتجات، تحديد الموقع على الخريطة، الدفع بالبطاقة أو أبل باي أو عند الاستلام، وتتبع الطلب لحظياً.
- **تطبيق السائق أو الفني:** قبول الطلبات، التنقل للموقع، تحديث الحالة، إثبات التسليم بالصورة أو التوقيع، وتسوية التحصيل. مبني على شغلنا في تطبيق زيتي لخدمات تغيير الزيت.
- **لوحة التشغيل:** الطلبات الحية على الخريطة، توزيع يدوي أو تلقائي على السائقين، المناطق والأسعار، وتقارير يومية للطلبات والتحصيل.
- **الربط والدفع:** بوابات الدفع السعودية، إشعارات الواتساب والرسائل، الخرائط، وربط مع أودو أو نظامك للمحاسبة والمخزون.
- **نشر وتسليم:** نرفع التطبيق على App Store وGoogle Play بحسابات باسمك، ونسلمك الكود المصدري والخادم ولوحة التحكم.

## كيف يمشي المشروع
1. **تحديد النطاق:** نرسم رحلة الطلب من البداية للتسليم، ونحدد النسخة الأولى الي تطلع للسوق بدون زيادات.
2. **التصميم:** شاشات التطبيقين واللوحة، بالعربي والإنجليزي، تجربها قبل ما نبرمج.
3. **البناء على مراحل:** الخادم والواجهات ثم تطبيق العميل ثم السائق ثم اللوحة، وكل مرحلة تجربها على جوالك.
4. **الإطلاق التجريبي ثم العام:** نطلق لمنطقة أو فريق سائقين محدود أولاً، نصلح الي يطلع، ثم نفتح للجميع.

## أسئلة شائعة
### كم تكلفة تطبيق توصيل؟
تعتمد على عدد الواجهات (عميل، سائق، لوحة) والربط المطلوب. نعطي سعر ثابت بعد جلسة النطاق، ونقول لك بصراحة إذا نسخة أبسط تكفيك للبداية.

### iOS وأندرويد الاثنين؟
أي، من كود واحد بـ Flutter، فالتكلفة والصيانة أقل من تطبيقين منفصلين.

### تطبيق نقل ركاب يحتاج نفس الشي؟
نفس البنية تقريباً: راكب، سائق، تشغيل. الفرق في التسعير بالمسافة والوقت، وفي متطلبات الجهات المنظمة الي لازم تتأكد منها قبل الإطلاق.

### نقدر نبدأ بدون تطبيق للعميل؟
أي، كثير من العملاء يبدأون بالطلب من الواتساب أو الموقع مع تطبيق للسائق ولوحة، ويضيفون تطبيق العميل لما يستاهل.

## نرسم رحلة طلبك ونقول لك وش تحتاج فعلاً
[احجز استشارة مجانية](https://www.kerneltics.com/book)

## مواضيع مرتبطة
- [واتساب API وشات بوت](https://www.kerneltics.com/solutions/whatsapp-api)
- [أعمالنا](https://www.kerneltics.com/works)