نظام حجز مواعيد ومتابعة مرضى للعيادات في السعودية | كيرنلتكس

المريض يحجز من الواتساب، يوصله تذكير قبل الموعد، ويرد بكلمة وحدة يأكد أو يلغي. الاستقبال يشوف كل شي في شاشة وحدة بدل الدفتر والمكالمات.

المشكلة الي نحلها

• مواعيد تضيع لأن المريض نسي، وما أحد ذكّره.
• الاستقبال مشغول بالرد على «متى موعدي؟» بدل ما يخدم الي قدامه.
• المريض الي جا مرة وما رجع، ما أحد عنده سبب واضح ليش.
• الحجز على منصات خارجية يعني بياناتك ومرضاك عند غيرك.

وش نبني لك

• حجز من الواتساب والموقع: المريض يختار الطبيب واليوم والوقت من الواتساب أو من صفحة الحجز في موقعك، والنظام يمنع التعارض ويحترم دوام كل طبيب.
• تذكير وتأكيد تلقائي: رسالة قبل الموعد بيوم وبساعات، والمريض يرد يأكد أو يلغي أو يطلب تغيير، وكل رد يتحدث في الجدول تلقائياً.
• ملف متابعة لكل مريض: الزيارات السابقة، الملاحظات، المراجعة القادمة، والرسائل الي وصلته. مبني على شغلنا الفعلي مع عيادات أسنان ومراكز طبية.
• موقع للعيادة يطلع في قوقل: صفحة لكل خدمة ولكل طبيب، بالمعلومات الي يبحث عنها المريض، مع زر حجز مباشر. الموقع باسمك وعلى استضافتك.
• لوحة للاستقبال والإدارة: جدول اليوم، الحجوزات الجديدة، الي أكد والي ما رد، وتقارير بسيطة عن الحضور والغياب والمراجعات المتأخرة.

كيف يمشي المشروع

1. جلسة مع الاستقبال: نشوف كيف يمشي الحجز عندكم اليوم، وين يتعطل، ووش الرسائل الي ترسلونها يدوياً.
2. ربط الواتساب: نفعّل واتساب الأعمال الرسمي (API) على رقم العيادة، أو نستخدم منصتنا K-Message إذا تبون تبدأون بسرعة.
3. الإعداد والتجربة: نضبط الأطباء والدوام والخدمات، ونجرب مع مرضى حقيقيين أسبوع قبل الاعتماد.
4. الإطلاق والتدريب: تدريب الاستقبال على الشاشة الي بيشتغلون عليها، وننتقل من النظام القديم بدون ما يضيع موعد.

أسئلة شائعة

يشتغل مع رقم الواتساب الحالي للعيادة؟

أي. نحوّل الرقم إلى واتساب الأعمال الرسمي، والرسائل القديمة ما تنتقل بس الرقم نفسه يبقى.

المريض يحتاج يحمّل تطبيق؟

لا. كل شي من الواتساب أو من المتصفح. التطبيق ما له داعي في أغلب العيادات ونقول هذا بصراحة.

تقدرون تربطونه بنظام العيادة الحالي؟

إذا نظامكم يوفر واجهة ربط (API) نربط الحجوزات والمرضى معه. وإذا ما يوفر، نشتغل بجانبه بدون ما نعطل شغلكم.

وين تنحفظ بيانات المرضى؟

على خادم باسم العيادة، أنتم تملكون الوصول والنسخ الاحتياطي. ما نحتفظ ببيانات مرضاكم عندنا.

خلنا نشوف حجوزات عيادتك مع بعض

احجز استشارة مجانية

مواضيع مرتبطة

• شات بوت واتساب للعيادات والمتاجر
• ليش موقعك ما يطلع في قوقل؟