واتساب API وشات بوت للمتاجر والعيادات في السعودية | كيرنلتكس

تفعيل واتساب الأعمال الرسمي (API) مع شات بوت بالعربي يرد على العملاء، يأكد الطلبات والحجوزات، ويحوّل الي يحتاج موظف. رقم واحد لكل الفريق، وحملات رسائل معتمدة من ميتا. للمتاجر والعيادات وشركات الخدمات في السعودية.

أغلب عملائك يكلمونك على الواتساب أصلاً. الفرق إن الرد يصير بثواني بدل ساعات، والفريق كله يشتغل على رقم واحد، وما تضيع محادثة.

المشكلة الي نحلها

رقم الواتساب على جوال موظف واحد، وإذا غاب وقفت المحادثات.
نفس السؤال يتكرر مئة مرة في اليوم: السعر، الدوام، الموقع، حالة الطلب.
الرسائل الجماعية من التطبيق العادي تتسبب في حظر الرقم.
ما فيه سجل: من كلم من، ووش وعده، ومتى.

وش نبني لك

تفعيل واتساب الأعمال الرسمي: توثيق حساب ميتا للأعمال، ربط الرقم، اعتماد اسم العرض، وتجهيز قوالب الرسائل. نسوي هذي الخطوات كل أسبوع لعملائنا ونعرف وين تتعلق.
شات بوت بالعربي يفهم اللهجة: يرد على الأسئلة المتكررة من معلوماتك أنت، يجمع بيانات الطلب أو الحجز، ويحوّل للموظف لما يحتاج الأمر إنسان. ما يخترع أسعار ولا مواعيد.
صندوق وارد مشترك للفريق: كل الموظفين على نفس الرقم من المتصفح أو الجوال، مع تعيين المحادثات، ملاحظات داخلية، وردود جاهزة.
حملات ورسائل تلقائية: تذكير بالموعد، تأكيد الطلب، حالة الشحنة، وعروض لمن وافق يستقبلها، كلها بقوالب معتمدة من ميتا فما ينحظر الرقم.
ربط مع أنظمتك: المتجر الإلكتروني، أودو، نظام الحجز، أو جدول بسيط. الرسالة تطلع من الحدث نفسه بدون ما أحد يكتبها.

كيف يمشي المشروع

نحدد الاستخدام: وش أكثر الرسائل الي تجيكم، ووش الي تبون البوت يسويه، ووش لازم يبقى عند إنسان.
التفعيل والتوثيق: نجهز حساب ميتا للأعمال ونربط الرقم ونعتمد القوالب. هذي المرحلة تعتمد على سرعة ميتا في المراجعة.
بناء الردود والتجربة: نكتب معرفة البوت من معلوماتكم الفعلية ونجربه مع فريقكم قبل ما يشوفه العملاء.
الإطلاق والمتابعة: نطلق ونراقب المحادثات أول أسابيع ونعدل الردود الي ما نفعت.

أسئلة شائعة

وش الفرق بين واتساب API وتطبيق واتساب للأعمال؟

التطبيق مجاني ويكفي لشخص واحد على جوال واحد. الـ API يخلي فريق كامل يشتغل على الرقم، ويسمح بالردود التلقائية والحملات المعتمدة، ويتحاسب من ميتا على الرسائل. شرحنا التفاصيل في مقال واتساب API للمتاجر السعودية.

كم تكلفة الرسائل؟

ميتا تحاسب حسب نوع الرسالة ودولة العميل، والأسعار تتغير. نطلعك على الأسعار الحالية من مصدرها ونحسب لك تقدير على حجم رسائلك أنت.

البوت يقدر يرد بالإنجليزي والعربي؟

أي، يرد بلغة العميل. والعربي عندنا باللهجة الي يكتب فيها الناس فعلاً، مو الفصحى الرسمية.

نحتاج منصتكم K-Message ولا تبنون لنا شي خاص؟

الاثنين ممكن. K-Message جاهزة وتبدأ فيها خلال أيام، والبناء الخاص يناسب لما عندك متطلبات ما تغطيها منصة جاهزة.

شوف كيف يصير الواتساب عندك

احجز استشارة مجانية