تطبيق أودو مع ربط الفوترة الإلكترونية زاتكا للشركات في السعودية | كيرنلتكس

تطبيق نظام أودو للمبيعات والمخزون والمحاسبة مع ربط الفوترة الإلكترونية مع هيئة الزكاة والضريبة والجمارك (زاتكا): إعداد الشهادة، الفواتير الضريبية والمبسطة، ونقل البيانات من نظامك القديم. للشركات في السعودية.

نظام واحد يشوف فيه المبيعات والمخزون والمحاسبة نفس الأرقام، والفاتورة تطلع متوافقة مع زاتكا من أول يوم بدون ما تحتاج برنامج ثاني.

المشكلة الي نحلها

المبيعات في برنامج، والمخزون في إكسل، والمحاسب يجمع كل شي آخر الشهر يدوياً.
الفوترة الإلكترونية صارت إلزامية ونظامك القديم ما يدعمها.
ما أحد يعرف الرصيد الحقيقي للمستودع إلا بعد الجرد.
تطبيق أودو سابق تعثر وترك النظام نص شغال.

وش نسوي لك

دراسة العمليات قبل أي إعداد: نجلس مع المبيعات والمستودع والمحاسبة ونرسم كيف يمشي الطلب من العرض إلى التحصيل. الوحدات الي نفعلها تطلع من هذي الجلسة مو من قائمة جاهزة.
إعداد الوحدات القياسية: المبيعات، المشتريات، المخزون بمستودع أو أكثر، المحاسبة بشجرة حسابات سعودية، ونقاط البيع إذا عندك محلات.
ربط الفوترة الإلكترونية مع زاتكا: إصدار الشهادة الرقمية، تهيئة الفاتورة الضريبية والمبسطة، رمز الاستجابة السريعة، والإرسال للاعتماد أو الإبلاغ حسب نوع الفاتورة. ونجرب على بيئة الاختبار قبل الإنتاج.
نقل البيانات: العملاء والموردين والمنتجات والأرصدة الافتتاحية من نظامك القديم أو من ملفاتك، مع مراجعة منك قبل الاعتماد.
وحدات مخصصة عند الحاجة فقط: إذا القياسي ما يكفي (مثلاً كتالوج قطع غيار بأرقام بديلة)، نبرمج وحدة مخصصة بكود مرتب يقبل الترقية. سويناها في مشروع زيتي لقطع الغيار والزيوت.

كيف يمشي المشروع

الدراسة والنطاق: جلسة مع كل قسم، ثم ورقة نطاق فيها الوحدات والربط ومدة كل مرحلة وسعر ثابت.
الإعداد والنقل: نجهز النظام على بيئة تجربة ببياناتكم الحقيقية، وتراجعونها قسم قسم.
التدريب والإطلاق: تدريب كل قسم على شغله، ثم إطلاق على مراحل: عادة المبيعات والمخزون أولاً ثم المحاسبة.
الدعم والترقية: نبقى معكم بعد الإطلاق للتعديلات، ونرقي الإصدار لما يستاهل.

أسئلة شائعة

عندنا أودو شغال بس الفوترة الإلكترونية مو مربوطة، تقدرون تربطونها بس؟

أي. نراجع الإعداد الحالي، نصدر الشهادة، ونربط الفوترة بدون ما نعيد التطبيق.

أودو المجتمعي ولا الإنتربرايز؟

نوضح لك الفرق على وحداتك أنت. كثير من الشركات الصغيرة والمتوسطة تكفيها النسخة المجتمعية مع بعض التخصيص.

كم يأخذ التطبيق؟

يعتمد على عدد الوحدات وحجم البيانات القديمة ومدى جاهزية فريقكم. المدة تتحدد في ورقة النطاق، وما نعطي رقم قبلها.

الاستضافة عندكم ولا عندنا؟

الاثنين ممكن: خادم باسمكم نديره لكم، أو خادمكم الخاص. في الحالتين البيانات والنسخ الاحتياطي ملك لكم.

نشوف عملياتكم ونقول لكم وش يحتاج أودو

احجز استشارة مجانية